Ja hérna...!

Hmmm...  Var fréttaritari með slæman hiksta...?!?  Eða skjálfhentur við "Copy - Paste"?

Kannar hvort dioxínmengað fóður farið til Íslands

Ja hérna hér...!

Þetta einhver allra klaufalegasta fyrirsögn sem ég hef séð á "prenti".  Ýmislegt má um manninn segja, en hann mun seint teljast vera nokkur forvera sinna afturgenginn!

Obama óvinsælli en forverarnir

Takmarkalaus blinda...

Ég viðurkenni með nokkrum trega að hingað til hef ég samviskusamlega kosið Sjálfstæðisflokkinn, en nú er svo komið að mér er það lífsins ómögulegt að halda því áfram.  Slík er blindan og ástin á völdunum og takmarkalaust sjálfstraust þeirra til að hafa vit fyrir okkur kjósendunum.  Síðast þegar ég vissi átti þetta að vera í hina áttina, að þingheimur hefur umboð sitt frá okkur.

Þessi uppbygging stjórnkerfis okkar hefur valdið því að þingheimur hefur misst löggjafarvald sitt í hendur framkvæmdavaldsins sem á sama tíma lýtur geðþótta flokksvaldsins, þannig að okkar kæra lýðræði er í raun ekkert annað en há-sovét-kommúnískt flokks-embættismannaveldi sem mér bara hugnast engan vegin, sama hvort minn flokkur á í hlut eður ei.  Svona er hefðin og hingað hefur hún komið okkur.  Stjórnkerfið er rúið trausti róttækra aðgerða er þörf, en ekki plástra.

Það er þess vegna ekki nokkur furða að flokkskóngarnir skuli amast við því að þeim verði skákað til hliðar og þeim settar leikreglur, í stað þess að þeir úthluti sér þeim sjálfir, eins og við horfum upp á þessa dagana í löndum eins og Venesúela og Bólivíu.  Þetta eru ekki lönd sem við viljum miða okkur við svona dagsdaglega.

Með öðrum orðum...  Nei, ég treysti ykkur þingmenn ekki til að gera þetta sjálfir.  Nú er lag og tími til kominn að vinna þetta upp á nýtt og tryggja að það sé gert fyrst og fremst með hagsmuni þjóðarinnar að leiðarljósi, alls ómengað af hagsmunum flokkspólitíkusanna. Finnist þeim sér misboðið með þessu, stofni þeir þá bara verkalýðsfélag eins og aðrir...

Sjálfstæðismenn gagnrýna stjórnlagaþing

"This means war...!!!"

...segi ég nú bara aftur með tilvitnun í fræga Looney Tunes kanínu sem aldrei lét fram hjá sér fara gott tækifæri til að koma af stað slagsmálum.

Gera menn sér virkilega ekki ljóst að í annars friðsömum en ákveðnum og afgerandi fjöldamótmælum er alltaf visst hlutfall fólks sem er til í að ögra lögreglunni.  Þannig er það og verður.

Nú hefur lögreglan enn og aftur lagt sitt að mörkum til að stigmagna ófriðinn og það þarf enginn að búast við því að þetta sé neitt annað en skammtímalausn, þar sem til lengri tíma litið egnir þetta menn aðeins til þess að ganga lengra, því málstaðurinn er eins og við vitum öll, ennþá óbreyttur.

Góða skemmtun segi ég nú bara...

Táragasi beitt á Austurvelli

Jónas í hvalnum...

Jæja, er nú kominn tími til að skoða hvað aðrir í kringum okkur hugsa þegar þeir heyra orðið "Ísland".  Sú var tíðin að ég treysti bankamönnum og jafnvel stjórnmálamönnum til að vita hvað þeir voru að tala um, þrátt fyrir að sérfræðingar utan úr heimi spáðu okkur eldi brennisteini af himnum ofan ef við færum ekki að sjá að okkur.

Þetta hljómaði eins Jónas í hvalnum hér forðum.  Munurinn er bara sá að þegar hann hundskaðist á staðinn til Níníve til að flytja sinn iðrunarboðskap, þá hlustuðu þeir og létu segjast.

Á slíku virðist enn ekki vera farið að bóla hér á Íslandi og þó eru óyggjandi merki þess að iðrunar sé þörf.

Ég tek hjartanlega undir með þeim röddum að endurnýja þurfi mannskapinn sem stendur við stjórn ríkisfjármála, seðlabanka og eftirlitsstofnana, þó ekki væri til annars en að byggja traust okkar almennings á þessu kerfi.  Ég veit að ég tala fyrir munn margra að traust fólks til þessara stofnana er lítið sem ekkert og það breytir engu, nema síður sé að bankarnir séu orðnir ríkisbankar með pólitískum bankaráðum.

Þetta gengur ekki svona og nú verða menn að fara að skoða hvers konar þjóðfélag við viljum búa okkur og börnum okkar í framtíðinni.

Ég segi fyrir mig að í því þjóðfélagi sem ég sé fyrir mér gína bankar ekki yfir öllu með okurvöxtum og verðtryggingu til öryggis.  Ekki heldur ríkisbankar.  Stöðugleiki verður að ríkja þar sem geðþóttalegar ákvarðanir breyta öllum skilyrðum fólks og fyrirtækja án fyrirvara, og skilyrði til eignamyndunar verða að vera fyrir hendi, sem eru engin við þau vaxta og verðbótakjör sem ríkt hafa.

Áfram Ísland...!!!

Telja að óreiðumenn stjórni bönkunum

Neyðarlegt...?

Einhvern veginn finnst mér þetta fremur neyðarleg frétt af þessu ævaforna símafyrirtæki landans að það skuli vera nú fyrst sem það kemur sér upp markaðssviði.  Ég vona að það hafi ekki verið fyrsta verk starfsmanna þess að kynna það eins og þetta væri í fyrsta sinn sem Síminn færi að huga að markaðsmálum sínum í fullri alvöru. 

Þá væri það líka djörf yfirlýsing þess efnis að hingað til hafi það ekki verið markaðsdrifið í ákvörðunum sínum hingað til, heldur haft á sér meira yfirbragð stofnunarinnar sem það áður(!) var.

Við íslenskir símneytendur vonumst þá til að þetta sé tímabært skref í áttina að því að skapa raunverulega samkeppni í símamálum íslendinga og snúi við þeirri þróun að við búum við símakostnað sem er allt í einu orðinn mun hærri en í löndunum í kringum okkur.

Ég bíð alla vega spenntur, en ekki kannski alveg sannfærður...!

Lifi samkeppnin...!!!

Nýtt svið hjá Símanum

Það snjóar...

Mikið ógurlega er það nú notalegt að það skuli hafa komið snjór hér á suðvesturhornið.  Nú skulum við sjá til hvernig fram vindur, því hingað til hefur snjókoma verið öruggur fyrirboði þess að það muni hlýna innan sólarhrings, því meira sem það snjóar meira.

Vegna uppruna míns norður í landi þar sem ávallt er "gott veður" sakna ég þess að hafa ekki nóg af snjó og helst góðan skammt af vindi og þar af leiðandi skafrenningi sem varla þekkist hér sunnanlands.

Því sendi ég veðurfræðingum Veðurstofunnar hinar bestu kveðjur og segi bara:

Áfram nú, meiri snjó...!!!